بیر اوچ نفر ایدیك

یوسف خیال اوغلو

بیر اوچ نفر ایدیك

بدیر خان ،‌نازلیجان و من

اوچ آغیز ... اوچ اورك ... اوچ آند ایچمیش فیشنگ !

آدیمیز بلا دئیه یازیلمیشدی داغ لارا ، داش لارا

بوینوموزدا آغیر وابال ، قوینوموزدا چارپاز توفنگ ...

ال ماشادا ،‌قولاق كیریشده

و آرخامیز تورپاغا امانت ...

بالدیرقان آجیسی یلا اوواراق اوشوین

ال لریمیزی

اولدوز یوزغانی آلتیندا بیر – بیریمیزه

ساریلیردیق...

دنیز جوخ اوزاقدایدی

و توخونوردو یالقیزلیق

گئجه ایرماق بویلاریندا

اوزاق چاققال سسلری

اوزوموزه ، چؤرییمیزه

توركوموزه چارپار كئچردی

كؤكوسونه ككیك سورردی نازلیجان

توتردی بورام – بورام

گیزلیجه اونا باخاردیق

اورییمیز كؤچردی

بلكه بیر چوبان نئیینده ایتیریك نازلیجانی

اود بوجك لری ایله بیر اولدو ، قیرپیشاراق

توكندی ...

بیر نارین كپنك اؤلوسو بوراخیب تام

اورتامیزدا

قورشون كیمی ، مایین كیمی توتوشاراق

توكندی ...

اوی ، نازلیجان ... وحشی باییرلارین مارالی ...

اوی ، نازلیجان ... ساچ لاری فیرتینایلا دارالی ...

سن ده بؤیله گئدرمییدین اولدوزلار

اؤلكه سینه ؟

اوی ، نازلیجان اوی ... جان ائویندن یارالی

سرین یایلا چیچگی ، اوی نازلیجان ...

دلی – دولو هیجان ،‌اوی نازلیجان ...

كؤكسومده بیر سئودا كپنه یی

اؤلومه سوندوغوم جان ، اوی نازلیجان ...

آرتیق ، یئنیلمیش اوردولار قدر

ازیك ایدیك ، صاحیبسیزایدك ...

كئچیب گئتدیك ، پاركا و اورك پارام پارچا

گئریسی ساغیر ، سسسیزلیك

كئچیب گئتدیك ، نازلیجان بوشلوغو

آرامیزدا ...

بدیرخانی بیر گدیكده ، آرخاسیندا ووردولار

یاریب چیخمیشكن نئجه بؤیوك آبلوكالاری ...

چییندن سوروشن بیر توفنگ كیمی ، یاواشجا

تیتره دی و ایكی یانا دوشدو قول لاری

اولوم بیر گیجی تیكان اودو كیمی ،‌

سارمیشدی هر یانینی ...

دئوریلمیش بیر آغاجدی ، آی ایشیغیندا

گؤوده سی ...

اوزانیب ، بیر داملا یاش ایله توخوندوم

كیرپیك لرینه ...

كؤكسومو چاتلادار كن نبضینین توكنمیش

سسی ...

سانكی بیر شوخلوقی ایدی بو ! ... بیر آزدان

اویاناجاقدی

بیر آزدان اودو قاریشدیریب بیر سیگارا

ساراجاقدی ...

اویسا اؤلوم ، صادیق قالمیشدی اؤز ایلقاریندا آه ...

او دا نازلیجان كیمی ، بیر داها اولمایاجاقدی! ...

هئی بدیر خان ... قاتران گئجه لرین هیولاسی !...

هئی بدیر خان ، قانجیق پوسقولارین بلاسی !...

سن ده بوئله بیته جك آداممی ایدین قونوشسانا ،

هئی بدیر خان هئی ... مزاری قاراتال یوواسی ! ...

مور داغ لارین قاچاغی ، هئی بدیر خان !...

ماوی گوزلرین شاخان ، هئی بدیرخان ! ...

ظولومده بیر سوسقون گئجه پیچاقی

آغ كؤینه ییمده قان ، هئی بدیر خان ! ...

بیز اوچ نفرایدیك ...

اوچ اینتیحار چیچه یی ...

بدیرخان ، نازلیجان

و من : صوبحی ! ...