آرامیزدا
آرامیزا آدام یاغار،
آرامیزا یاغیش یاغار،
آرامیزدا آغاج بیتر.
آرامیزدا طیاره لر،
سسلرینی گؤز یاشی تک،
توکوب گئچر.
آرامیزدا قارا نفس
بیر قاطارین قلبی وورار.
آرامیزدا بوتون گونو یاغیش یاغار.
یاغیش یاغار دیزینه جه ن،
گؤزلرینه اینانمازسان.
یاغیش یاغار اؤریینه،
یاغیش توتار یوخونو دا،
بو یاغیشا اینانمازسان.
آرامیزا یاغیش یاغار،
آرامیزا آدام یاغار،
آرامیزدا آغاج بیتر.
Gəşəm Nəcəfzadə
+
نوشته شده در پنجشنبه هشتم اسفند 1387ساعت 19:5 توسط آراز(rm)
|
